香港人最鍾意嘅除咗食花生，都應該係旅遊，第30屆香港國際旅遊展將於下周四（16日）起，一連4日喺會展舉行，最後兩日係公眾日，入場費25蚊。
今屆有超過600個國際參展商、嚟自約50個國家及地區，如果嫌去親都係嗰啲地方，可以考慮吓新參展嘅毛里裘斯等國家攤位。公眾日會有近百場旅遊講座主題遊展示區、大抽獎，預料可吸引8萬人入場。
去到旅遊展梗係要攞着數啦，如果喺場內13個台灣辦事處，打齊蓋章，同埋填寫關於台灣旅遊感受，就有機會贏取由台灣觀光局送出三日兩夜來回台北套票，而購買台灣旅遊產品亦可獲贈行李電子秤。另外，泰國政府旅遊局亦提供多項優惠，由今年1月1日起到年底遊覽泰國超過10次，即可到辦事處換取兩晚五星級酒店禮券一張。