除咗黎明有金句，近年新世界發展（017）業績報告都興引用大文豪與名著嘅名句。噚日同系周大福（1929）舉行業績會，主席鄭家純（純官）照例講開場白，不過就好平淡囉，都冇名句嘅。
會後問佢點解今次份稿冇引用金句，純官都忍唔住笑，之後好認真咁答:「金句都要時間度㗎嘛，好難諗㗎！」哈哈，純官真係傳媒甜心。
金句就話要諗箒，咁撐邊個做特首，應該心裏有數。純官算係「梁粉」，問佢支唔支持梁振英連任，佢冇正面回應，只係話言之過早。至於外間傳聞話財爺曾俊華可能加入戰團，佢話「大家揣測箒」。咁純官選喇，佢就謙稱冇資格喎。