【本報訊】死者蕭志文夫婦的兄長蕭志強3年來四出奔走，「我覺得應該要負責或處理嘅人，做番佢嘅職責同義務，已經係一個公道」。他坦言心情已平復很多，亦同意事件本質上是意外，但認為熱氣球公司、駕駛員和旅行社均沒盡責。他冀日後遊客有更好保障，「唔想其他人再經歷一次我哋家屬遇過嘅事」。
活動商「走佬」 無法索償
蕭認為死因庭揭露人為疏忽細節，尤其專家指熱氣球駕駛員於起火後立刻找滅火筒是錯誤，正確應熄掉燃料缸及釋放殘餘燃料。蕭對駕駛員有一絲諒解，「明白遇到危機，有時人會做出唔同決定」，但相信駕駛員若做對程序，19名死難者「生存機會大好多」。
相比起來，蕭無法諒解勝景遊。勝景遊高層在庭上供稱，沒備存熱氣球活動商牌照和保險文件，蕭質疑違反旅議會指引，「好似個系統或者制度已經存在，但冇人跟足去做」。蕭指事發一年後才取得保單副本，其間勝景遊一直推搪，及後由家屬而非勝景遊聯絡埃及保險公司，但投保的活動商Sky Cruise「走佬」，不知如何索償。
蕭發現Sky Cruise曾有墜落尼羅河事故，但勝景遊在庭上竟說不知情，令他驚訝。他感覺勝景遊的態度是外判責任，質疑勝景遊為何會挑選到事後「走佬」的活動商，又無法索償，「我相信大家如果咁睇，會覺得呢間旅行社似乎唔係一間好盡責嘅旅行社囉」。
蕭在鏡頭前向來堅強，他自言埋首跟進工作，感情上不太執着，但工作完結後，「可能……未必係崩潰嘅，但件事放鬆咗之後心情可能有大啲轉變」。蕭說父母間中會夢見弟弟夫婦回家，「或者有時見到啲昆蟲圍住佢哋飛，會覺得會唔會係我細佬返咗嚟探佢哋呢？」
■記者勞東來