麒麟盃周二喺大阪進行決賽，日本（藍衫）有外流中場雙核本田圭佑同香川真司因傷缺陣，連準決賽7:2大炒保加利亞嘅威風都冇埋，雖然有下季落實轉投歐霸盃冠軍西維爾嘅清武弘嗣開紀錄，但就守唔住波斯尼亞前鋒米蘭祖歷，俾佢上、下半場各建一功，幫客軍反勝2:1捧盃；連埋準決賽對丹麥梅開二度，呢位身高1米99嘅射手包辦波軍四個入球。同日季軍戰，丹麥憑基斯甸艾歷臣連中三元，以4:0大勝保加利亞。