【奇聞】旅行報平安使乜打電話　用Instagram相啦

【奇聞】旅行報平安使乜打電話　用Instagram相啦

去旅行到埗，向家人或另一半報平安，以前人人打電話，依家一個WhatsApp訊息就搞掂。

有人都會响Facebook公告順便廣發葡萄，酸下返緊工的朋友。27歲的布魯塞爾前男模Jonathan Quiñonez遊歷中南美，就出新招向阿媽報平安，手持「MOM I M FINE」（媽我很好）字樣影靚相，在Instagram發佈。見佢响深海潛水拎住，去動物園睇鱷魚又拎住，就連玩空中跳傘都專登把字樣寫在手上。我相信伯母一定覺得你玩得好開心，但佢就應該唔多放心，樣樣都咁危險！呢批相雖然為媽媽服務，但網友似乎相當受落，每張都吸到幾千like！

記者：葉青霞
資料來源：someecards

靚女面前一樣不忘媽媽，靚女仲一齊幫手捧住牌呢。

「媽媽生日快樂，即使我在哥倫比亞被倒轉了，我還是很好。」

在墨西哥跳傘一樣安好，唔知阿媽睇到有冇嚇親。

在巴拿馬潛水，水底下報平安應不能寫在紙上。