國際化妝品牌Lancôme因內地官媒《環球時報》施壓，旋即斬纜取消與藝人何韻詩合作嘅音樂會，有人喺網上發起罷買行動。西貢區議員方國珊亦不忘表態兼抽水，噚日拍咗條短片放上facebook，留言「今日我用Lancôme潔廁液洗廁所！沖廁。講完#boycottlancome#最憎政治打壓」。
方國珊先喺鏡頭展示呢個牌子嘅防曬乳液，之後打開蓋擠晒落廁所，再順手扔埋入垃圾桶。方話，香港社會唔會接受政治打壓，法國Lancôme如果咁嘅態度，只會令大家杯葛，更揚言「我以後都唔會用呢啲牌子，我建議大家都唔應該再用。Lancôme go to hell！」