陳瀅前日同一班好姊妹蔡思貝、劉佩玥及賴慰玲去睇容祖兒同馮翰銘嘅騷，點知鬼馬嘅陳瀅相當百厭…離奇對蔡思貝出手！！陳瀅昨日凌晨po片上IG：「純熟意外 PS:好鍾意聽蔡思貝叫無限loop。」影片中見陳瀅先伸脷扮可愛，跟手鬼祟咁走上前，仲示意叫身邊嘅人唔好出聲，行近身穿性感吊帶衫嘅蔡思貝後面，跟手一拉，拉住蔡思貝嘅Bra帶，出手彈Bra帶，嚇到蔡思貝先叫咗一聲「呀!」，即向後望，蔡思貝嚇到個人呆咗，仲未嚟得切反應，身旁啲人已忍唔住笑咗出嚟，估唔到26歲嘅陳瀅咁百厭。