潘源良於1986年執導處男作《戀愛季節》，同女主角李麗珍傳出不倫之戀，有傳李麗珍介入，導致潘源良婚姻破裂，潘源良曾為李麗珍平反，稱一件事發生背後有好多嘅原因，近年珍妹又再同潘源良拍拖，不過昨日好友張文慈貼出佢同珍妹合照：「儍豬～忘記他吧！鞋若不合穿，勉強著也是痛！世界上總有懂得珍惜你的人在等著你！！！go~go~go~我和珍妹開心台北之旅出發了！」暗示潘源良同李麗珍又再分手，而佢就陪珍妹出走台灣療情傷!?
潘源良當年喺新藝城做幕後，當時同珍妹喺唔同組，從來未有見面嘅機會，直至1986年潘源良搵珍妹合作電影，大家識咗之後，好快就有戀愛感覺，不過最後都冇繼續下去，各有各發展，到咗1992年佢哋再聚，當時潘源良計劃離開香港，又冇發展，至2007年潘源良同珍妹又再次碰面，最難得係大家都覺得對方冇太大嘅改變，復合至昨日感情發展一直都好好。