【本報訊】黃之鋒及羅冠聰昨過了白皮書這一關，但本月29日他倆及周永康又要面對前年9月26日被指衝入公民廣場非法集結案的裁決，或成為黃羅的首個案底。兩人早前受訪時強調無懼留案底或判監，黃更坦言「其實有冇案底都會影響工作」，「乜黃之鋒無案底啲人會請佢？我嘅情況唔係有冇案底問題，係我個名嘅問題，行得呢條路都預咗！」
之鋒：好多抗爭者更嚴峻
黃憶述去年暑假離港臨上機前收到警方電話，指他在2014年6月11日犯案。他起初完全無印象，「我唔上網search番日期，都唔記得我嗰日燒白皮書同上過中聯辦」，直言該案「濕濕碎」。羅冠聰同對被控感奇怪，更指案情輕微，「一次示威隨時發生幾十次，如果咁輕微嘅罪行都告得入，係大大打壓示威自由」。
他們雖無悔當初，但回想處理案件被消耗的精力及時間都大吐苦水，羅指家人很擔心他，需要不斷解釋，「佢哋理解我做緊乜嘢，接受呢個係我人生嘅一部份，已經係一個好大嘅鼓勵」。
案件開審正值學期的中、後階段。羅指他不能上部份課堂，幸得老師體諒准他補課。黃指審訊程序冗長，庭上氣氛凝重，更撞正考期，「平時可以走堂，測驗可以改期，但考試唔改得亦都唔走得」，惟有透過律師向裁判官請假。
羅最感深刻的是探員作供不合邏輯，令他質疑警員誠信及人格，直言「冇乜事都唔想同差人接觸」。黃則強調：「好多抗爭者比我更嚴峻，暴動罪起碼可以坐三年，我呢啲算得乜！」他預計未來會有越來越多不同陣營、較知名的抗爭者被判監。
■記者戴國輝
