港大噚日舉行一年一度嘅長期服務獎項頒授典禮，獲表揚嘅包括佔中發起人、港大法律學系副教授戴耀廷，表揚佢為港大服務咗25年。戴耀廷噚日就喺港大校長馬斐森手上接過獎狀。戴耀廷曾經講過，當年喺港大法律系畢業，已有大型律師事務所聘用佢做實習律師，但佢選擇咗去城大理工做助理講師，之後再去英國讀法律碩士，本嚟諗住回港後做見習大律師，但最終選擇喺1991年加入港大，由講師做起。
同佢一樣服務咗港大25年嘅包括政治與公共行政學系教授陳祖為、社會工作及社會行政學系教授葉兆輝等。港大話今次表揚逾160位服務大學15年或以上員工，其中服務40年有7位、35年有45位、25年就有120位。