來屆立法會選舉部署，民建聯或會棄鍾樹根嘅消息一出，滾動嘅動記者就立即去到港島區進行街訪，睇吓市民點睇：「你支唔支持『把根留住』？」
勢估唔到，市民反應熱烈，大部份受訪市民都非常支持，希望可以留住樹根，「要本土，不要分離」，反對「連根拔起」。建制派喺港島區果然紮根穩健，唔講真係唔知，原來樹根有咁大影響力同埋咁受港島區市民歡迎。
等陣先！問清楚，唔係講緊動記者身後，般咸道石牆上面早前斬樹後留低嗰啲「樹根」喎！係講緊前港島東漁灣區議員及現任民建聯立法會（香港島）議員「鍾樹根」（Chirs Chung, BBS MH JP）喎！經動記者澄清，受訪市民即時變臉，好大反應！到底市民點睇鍾樹根可能會好似瘜肉咁被切除呢；到底喺港島石牆上面嘅樹根同埋「主法會」唯一議員鍾樹根，大家又愛邊個多啲？有片有真相，睇片啦。
Tree根個人資料：
「香港人民共和國」「主法會」當然議員、亦自嘲係一粒「瘜肉」，對於「子烏虛有」、「雞毛鴨蒜」之事有獨特睇法；為人正直，討厭人哋「明張目膽」咁「食碗底，反碗面」。