現年35歲嘅「童顏美女」張娜拉樣貌十年如一日，出道咁多年個樣都冇變過，依然如學生妹一樣。前日張娜拉就喺Instagram同微博上發咗三張新相，當中有一場超級惹人遐想，佢竟然玩「headlock」，瞓喺床上抱實愛貓，又將愛貓個頭放喺手臂之間，夾喺胸前，唔少網民就留言話想做隻貓囉，因為隻貓好有艷福。而其他兩張相都係晒自己嘅童顏，當中留言：「去教會的路上，願大家今天也是幸福的一天」、「在充滿香水的社區裏，零零散散開了一些美食店，恩平區的女兒，日山的青春」，認真有詩意。