香港建築師學會噚日舉行2015年年獎發佈會，香港匯創國際建築設計有限公司董事總經理呂達文及其團隊，破天荒以「民主思想」構思中國建築，設計出「長沙叮叮創意中心」項目（圖），獲得全年境外建築大獎。
呂達文同八方講，項目位於長沙約800平方米的荒廢地，以貨櫃創造一個低成本創意中心，以「民主」作構思。佢話雖然國內制度無法改變，但可以透過建築改變市民意識，佢哋嘅建築係開放，無圍牆又無門，24小時自由進出，而且牆身任由市民塗鴉，希望鼓勵大家自由表達，將民主意識做出嚟。被問到咁大膽嘅構思會否令客戶難以接受，他話其實好多內地客對政府好多不滿喎！
另外，建築署亦憑終審法院復修工程，獲得全年境內大獎及主題建築獎（文物建築）。整個項目以保留歷史面貌為主，但平衡創新及保育兩者。