本報收到讀者報料，事緣喺上星期五下午6點左右，喺荃灣港鐵站綠楊新村出口嘅恒生（011）自助理財中心，竟然俾佢見到有個身穿便服嘅女人拖住個小朋友，打開入票機拎票，再踎喺地下整理，放入透明膠袋，之後部支票機鎖番埋。
讀者就嚇親，仲以為有人開到部機偷支票。本報就向恒生查詢，佢哋即時向收取支票嘅外判服務供應商了解，證實位女士係負責收票嘅職員，但當時冇穿上制服。
恒生強調事件中銀行並冇遺失支票。今次屬個別事件，已向該供應商反映，着其提醒職員須於當值時穿上制服。
見到咁嘅情境，讀者嚇到個心離一離都係人之常情，好在係一場誤會。所以著制服真係好重要，唔係以為有人可以用特別嘅手法偷票就真係唔好啦。