夏日為大地帶嚟比堅尼之外，仲有索腿同熱褲，話晒天氣熱起上嚟，好似一班星二代咁，一向好relax，梁家輝孖女Nikkie昨日喺Instagram貼出晒腿相，留言“Pupppy park day!!!”相中所見，Nikkie戴上黑超，身穿超短熱褲，大晒白滑美腿!
佢嘅外籍男友仔亦喺Ig貼出合照，冧爆寫上“Sunny days with my numba one.”原來二人一齊去咗放狗，認真夠晒sweet sweet!!
此外，三哥苗僑偉嘅愛女苗彤盡得三嫂戚美珍嘅遺傳，樣子標緻，身材高佻，天生美人胚子，不過佢就好少擺相上Ig，有時只係擺吓啲生活相。
昨日終於見佢啲見樣post，佢拍咗條片，片中見佢好有功架，拔出長劍，成個俠女咁，佢就話自己喺拍攝場地15個鐘，總之拎得起佢就唔會放棄，睇嚟苗彤為人都好拚博、夠晒努力，未知苗彤嘅作品幾時面世!?