被譽為公屋居屋政策「活字典」嘅公屋聯會主席王坤（圖）眼見喺特首梁振英領導下，房屋問題完全未解決，公屋聯會就首次出咗本《走出香港住屋迷思》。本書講晒成個房屋供應、政策等，又有唔少專題文章。王坤做房委會委員好多年，佢噚日同八方大談3任特首同4任房屋局長，笑言「3個特首都解決唔到房屋問題」。就好似董建華就有「房屋恐懼症」、曾蔭權就是「萬金油特首」，但衰極都兌現到公屋3年上樓承諾。現任特首梁振英就「講咗當做咗」，唯一好處是重推居屋。王坤笑言「講過好多次退休，都退唔到」，直言明年希望可以專心湊孫。