趣趣地：皇馬元老賽得三條煙

皇家馬德里元老隊（圖）周日亦喺巴拿比奴同阿積士元老隊踢友賽，為皇馬慈善基金籌款，我最期待嘅畫面：皇馬六條煙就唔齊人，「大哨」朗拿度、碧咸都冇嚟，以教練身份剛拎歐聯嘅施丹亦都因為度假而no show，不過都仲有魯爾、費高同卡路士三位撐場，荷蘭中場施多夫就踢過皇馬同阿積士兩隊，今場佢亦都踢勻兩隊，仲做埋無間道，擺個老烏幫阿積士先開紀錄，皇馬就由費高、麥馬拿文同布達堅奴各建一功，以3:1反勝。