德國踢友賽真係衰中之霸，成日Hea踢，搞到對上五場友賽就輸咗四場，但為咗喺出征歐國盃前好好睇睇，上周六終於出真功夫贏番場，藉對手球員擺烏龍同埋湯馬士梅拿入一球，主場贏咗另一歐國盃決賽周球隊匈牙利2:0。對佢哋教練路維嚟講，贏輸係其次，最重要係冇傷兵。養傷兩個幾月嘅舒韋恩史迪加復出，後備落場踢咗廿幾分鐘，對德國嚟講絕對係喜訊，但路維仲未肯定，小豬同埋養緊傷嘅曉姆斯，可唔可以喺下周日對烏克蘭嘅歐國盃首戰披甲。