不只男生，不少女士對槍都有興趣，成日話想玩war game打槍但又怕受傷。近來war game場引入了Nerf玩具槍對戰玩法，用泡棉子彈夠安全，也不用重裝備上陣，帶個面罩或護目鏡已經玩得，近距離正面射擊都唔怕對方受傷。
係咪真係咁安全呢？記者就帶了兩支到香港射手會找資深槍迷試槍。以手臂試槍，近距離中槍皮膚有輕微紅腫，但未見傷口。負責人劉先生指這批玩具槍以往用泡棉條，新款式換了球體子彈，速度、射程、操作都有驚喜，當然和真氣槍相比有一段距離，但汽水罐於5米外被射中也會變凹。
記者試玩後都覺得這類玩具槍有射擊感，打中都只有少少痛，唔會受傷，適合新手對戰。不過劉生就說瞄準可以再改善，雖有瞄準器，但和比賽用槍械相比，準度和操作性都未算合格。
記者：司徒港燊
攝影：許先煜
