關公好忙！話說何韻詩最近發市被一國際護膚品牌邀請於小型音樂會獻唱，點知撐過佔中嘅阿詩一向係內地憤青嘅眼中釘，出晒力喺該品牌嘅微博留言抵制，最終呢個國際品牌都要跪低，喺fb同微博都出咗篇聲明，想同何韻詩釐清關係，但結果兩邊不討好，原本一班該護膚品牌嘅香港支持者，覺得堂堂一個大機構竟然咁唔尊重藝人，似乎未過橋就想抽起塊板，統統留言鬧爆。
勢估唔到，以「我討厭政治」聞名嘅王菀之(Ivana)，竟然喺呢件咁政治嘅事，咁政治嘅時刻出手喇!昨晚喺fb輕輕留咗一句:「Lancôme Bye Bye! 講完」嘩!型到呢!
網民都覺得稀奇，紛紛留言:「說好的討厭政治？」、「現在不討厭政治了？」「Well said. 呢個品牌極度唔尊重artist 點可以出份咁嘅聲明同Hocc割席 (應該係講呢件事掛？」
係囉...應該係講呢件事o掛....?