又到咗畢業季節，唔係我把口衰，而係每年都見到好多「Come on, James!」故事。
合久必分分久必合屬平常事，就算無法笑着原諒，最緊要可以平靜退場，美國臨床心理學家Jonathan Alpert就點出分手6件唔好做的事，想做個得體嘅離場者要記住。
一、別做Stalker
呢個世代幾乎人人同社交媒體不可分割，留意Facebook同Instagram更新成為唔少人「關心」前度方法之一，但往往越睇越令自己掛住對方，既然大家有新生活，何必做stalker成日追蹤對方行蹤？
二、別瘋狂挽回前度
二人分開總有原因，挽回一段關係係唔少人會做嘅事，但要諗清楚究竟出發點係咩。究竟係害怕被拒絕，抑或對方真係適合的人？
三、別自我沉醉
分手要搵朋友一齊劈酒狂食舒解心情？咁做不但傷害到自己身體，亦對你重新站起來冇正面幫助，狂飲狂食後更要花心機管理番體重，得不償失。
四、別讓前度定義你
除咗係對方嘅前男/女朋友，你仲有好多唔同身份同責任，唔好因為一個人嘅離開或負面評價就擊潰自我價值，記住你亦係未來某人的真命天子/天女。
五、別太急着投入新戀情
剛失去愛人陪伴係會空虛、寂寞、凍，但唔好太急住搵新戀人，藉住單身日子重新思考自己，準備好先再投入新戀情啦！
六、別留在同一交友圈
無論你哋係舊同學抑或舊同事，有冇生活中必需重疊嘅交友圈，一齊一段日子總有幾個共同朋友。分手後短期內二人同場出現總會尷尬，亦叫朋友們難處理，唔想見面時唔小心八卦到前度消息？都係搵返自己嘅好兄弟、好姊妹談心啦！
記者：黃樂雯
來源：《Huffington Post》