【港女衣學】揀bra攻略 夏日5大衫款不破功
夏天To露or not to露，對唔少靚女們都係一場天人交戰。
但不論露定唔露，我更關心會唔會露咗唔應該露嘅嘢出來，需知道走光事少，肉酸事大！其實著唔同衫款，有唔同嘅內衣可以幫你既承托胸形，又隱身得天衣無縫，一於由今季大熱item露肩衫講起。
記者：黃樂雯
小樽領入膊上衣由上年hit到今年，着掛頸式（halter-neck）內衣就可以免除煩惱，或者加上小背扣將肩帶變成X字形背帶都係方便之選。
夏天唔露背，唔通冬天先來露咩？嫩滑背脊要靚靚示人，着nude bra就最適合；你夠自信的話，貼上乳貼真空出門都係涼快之選。
着Deep-V款上衣，配低胸內衣（plunge bra）就可以一邊表現事業心，一邊避開走光嘅尷尬。
着t-shirt咁基本都要襯？你都唔想下下現晒bra形啩。着t-shirt唔單只要揀啱內衣顏色，記得要着埋無痕（seamless）款，咁就堅挺又夠decent。