上市公司董事續任議案，十之八九可以大比數通過，就算有基金做架樑投反對票，成功case好少，不過凡事總有例外，好似做影視投資，今年仲參與聯合發行星爺周星馳套《美人魚》嘅星美文化（2366），公司上星期開股東會，董事王海運被過半數股東否決續任，即高調俾炒魷魚！
睇番資料，王海運舊年8月先加盟公司，當時立即獲委任入董事會做執董，兼任服務支持平台副總裁。佢份合約為期兩年，月薪7萬元，都幾高薪。
雖然未知王海運因乜事被out，但年報顯示，佢負責嘅服務支持平台幾乎無着墨之餘，佢上任後曾出席過業務或董事職責研討會，但係就缺席董事會會議，今次王海運做唔夠一年就俾股東踢出局，反對票仲高近57%，咁高調唔like佢，確係離奇。