臨近半年結，基金朋友報料，又有大型投行裁員。朋友說：「喂喂，又有大行裁員喇！（個市差到咁，裁員有幾咁奇呀？東亞（023）都裁員啦！）」朋友再說︰「喺𠵱家咁嘅時勢，裁員當然唔出奇啦，有啲外資大行個個月都係逐少逐少咁，兩、三個人咁裁，我唔係想講呢啲，我係想話，中資行都裁員喇。」
中資行也裁員？中資行不是為拿下香港財金界「話語權」，不停高價招兵買馬嗎？朋友謂，經歷去年大跌市，加上大陸資金「水緊」，原本極具野心的中資行，不能不再檢視在港發展策略，得出需削減香港員工結論。
早些看清事實也算好事，但還是那一句，現市況裁員「有幾咁奇」？
朋友說：「奇就奇在，中資行唔係用正常方法裁員，係用非常手法，用唔使賠錢嘅賤招……若果想炒分析員，就不停逼佢寫啲無用嘅報告，或者定個做唔到嘅目標，要佢call客call到做到為止。」
賤招成功否？朋友說：「好成功，好多香港員工咪頂唔住走晒囉，只係剩番啲平人工內地人。」其實，這會不會才是裁員的真正目的？
密西比