的嗒糖，千祈咪話你未食過！一粒粒十足藥丸嘅糖，橙味、薄荷、檸檬薄荷味等，由細食到大，絕對係大家嘅童年回憶。舊年同Minions crossover推出嘅黃色人仔的嗒糖更加係全城瘋搶，炒到三十幾蚊盒，都仲有粉絲甘心情願畀錢買。最近，佢又有新搞作，推出Pop Corn爆穀味。白雪雪嘅糖，外表冇乜特別，但一嗒落口即刻滲出陣陣爆穀甜味，啜多陣仲有少少粟米味，忍唔住要講句「好得意！」。但係，呢粒爆穀糖的確幾甜，食多兩粒仲有少少膩，似乎較啱啲重口味人士。
記者︰黃依情攝影︰黃子偉
