練馬師沈集成旗下的「曦世之寶」，列陣周日(5日)第八場三班1600米，此駒雷神騎過5次得3冠1季，唯一落第係上場直路向內斜跑難於催策，但亦只不過輸不足三身位。
今次雷神唔放手繼續騎，擺明認為「曦世之寶」贏得，但馬主李澄曜同太太凱倫(Helen)，卻注定冇得拉頭馬。究竟點解呢？原來李氏夫婦正身處日本東京，參加馬主協會舉辦的旅行團，將在東京競馬場欣賞安田紀念賽，兼為港隊馬「詠彩繽紛」打氣。
Helen除咗係馬主太太，亦係日式抹茶屋京林屋嘅行政總廚，呢位靚媽透露，自己都係兩三日前才得知「曦世之寶」有份上陣，由於日本之行早已落實，所以未能在港為愛駒打氣，感覺有點可惜，不過「曦世之寶」一定唔會手軟照搏。
凱倫說：「『曦世之寶』始終之前休息了一段時間，咁所以狀態都未係最fit時期，但『曦世之寶』係一隻好乖好忠心嘅馬，加上今次加咗配備(重戴眼罩)，咁相信佢當日都會有好表現嘅。」