美洲盃將於香港時間6月4 日早上開鑼，開賽前就有報道指賽事將引入新例，如球員用粗口或侮辱性字眼鬧球證，可能被罰12碼或被趕出場！對於血氣方剛的球員來講，在球場上如果無辜被罰，嬲嬲地爆句粗洩忿好似係人之常情，就這條新例我們問過香港足球總會裁判經理張炎有，佢解釋新例並非大家想像中嚴厲，「以往如果有球員在場上辱罵球證，都只會被被罰紅牌趕出場外，球員所屬球隊更會被判罰間接自由球，即使是更嚴重，攻擊球證的話，罰則也相同。在新球例下，如果球員襲擊球證的話，禁區外會被判罰直接自由球，如果犯規地方在禁區，更會直接被判罰十二碼。」不過如果只以言語辱罵球證的話，不論犯規地點於禁區外還是禁區內，都只會判罰間接自由球，而不是直接判罰12碼。
不過喺球場上就專心踢波啦，鬧球證始終唔啱嘅，下次嬲嬲地嘅時侯試下大嗌一聲，用來取代辱罵球證啦！
記者：容慧心、容逸富