市場上都有幾個牌子推出「耳塞型」無線藍芽耳機，Samsung都唔執輸，將會推出同類產品搶市場。Samsung剛發表全新Gear IconX無線耳機，除了一如其他同類產品不設任何線材外，更內置4GB記憶空間讓用家儲存歌曲，唔需要以藍芽連接手機或播放裝置都可以聽歌，比其他同級對手行先一步。耳機上同時亦內置感應器，可用來追蹤各種活動及心跳率等數據。
「耳塞型」無線耳機暫時最大問題是佩戴後容易脫落，Gear IconX就在耳機外加上圍邊及扣位，方便固定在耳窩之內，但舒適程度如何，要待產品於下一季正式推出後先至知道。但Gear IconX在兼容性方面有較大限制，只對應Android 4.4及備1.5GB RAM的手機，iPhone用家就用唔到！
記者：布偉倫