野蠻女友事隔15年又再發功！飾演同一角色牽牛的車太賢今次無得同全智賢再續前緣，女友換上韓國女團f(x)隊長宋茜（Victoria），不過佢嘅「辣」有過之而無不及，相信係男人都怕咗佢。
有種犯賤叫男人，專揀野蠻女嚟愛，野蠻女友變成前度，天真遲鈍的車太賢重遇初戀情人宋茜。但外表斯文的她，其實身懷深不可測的潑辣。
依據呢type韓國愛情電影的套路，結尾一定搞啲感人催淚位，要人又笑又喊。如果女友睇完學埋嗰堆招式，男人肯定喊到返屋企。《我的新野蠻女友》 6月16日香港上映。
「新女友」野蠻行徑：
1) 唔啱聽就要打！
2) 去旅行shopping要拎所有嘢是常識吧？
3) 同女同事happy hour？諗下好啦，返到屋企你就死！
4) 飲醉返嚟，準備用燒酒解酒啦，以毒攻毒！
5) 隨時隨地向世界證明你愛我！
記者：葉青霞