【ViuTV發圍】
今年兩台選美激戰即將爆發，面對ViuTV實況選美節目《美選D.n.A.》來勢洶洶，請來剛失戀的方力申、人夫郭偉亮和李健宏（Kevin Boy）陪伴參賽者長期作戰，節目有一定睇頭；無綫當然不敢怠慢，今年決定將「香港小姐競選」與「香港先生競選」合併混戰，並定於8月下旬舉行。
陳庭欣：唔限年齡吸引
ViuTV的美選不限年齡、婚姻狀況和學歷，據聞已成功吸引近千人遞表參加，雖然招募仍在進行中，至今個月22日才截止，但ViuTV為加快箍選速度，將會提早於下周五（10日）進行第一輪面試。而港姐截止報名日期則為明天（5日），據聞亦會在下周三（8日）進行初次面試，下星期兩台第一輪選美埋身戰即將展開。
前晚前港姐陳庭欣、蔡思貝、劉佩玥（Moon）及王浩信等在尖沙嘴出席「港姐」最後召集宣傳活動，對於ViuTV實況選美不設年齡限制，陳庭欣直言會吸引好多人參加，她說：「好似亞視咁？我立即諗起花姐（宮雪花），港姐歷史悠久唔騎呢，但冇年齡限制，又真係會吸引很多人參加。」陳庭欣的緋聞男友翟威廉也是港男出身，問她一齊舉辦是否可締造更多良緣？陳庭欣笑說：「呢啲後話啦，專心比賽先。」她表示不擔心混戰會令質素下降，反而擔心大家現場投票會搞錯，認真危機四伏。
而Moon與新星楊嘉欣、龔嘉欣最近齊齊傳力追黃宗澤，Moon苦笑謂：「真係冇，戲內戲外都叫佢做大佬，以前啲緋聞都識笑一笑，但今次真係笑唔出。」此外王浩信早前與老婆陳自瑤去越南旅行，並充當攝影師為老婆影泳衣寫真集，老婆被網民大讚索爆，他笑說：「多謝大家，都要我個model有料先拍得咁靚。」
採訪：嵐山