【他們曾經說過】「北京當權者喺噚晚呢種血腥鎮壓，呢個係一個極冇理性嘅瘋狂行為。我從今日開始就暫時要用當權者嚟形容北京當局，因為佢唔係一個好正常政府嘅一種行為，今朝有一張報紙就曾經曲解咗我噚日喺一個研討會上嘅講話，我當時只係估計北京政府可能採取有限度嘅武力嚟進行清場，但我並唔係話採用有限度武力都可以接受，呢個我係估計佢北京政府嘅睇法，就唔係我嘅睇法。所以我認為發展到噚晚呢個瘋狂嘅行為嚟講，呢個已經係冇晒理性」。