練馬師霍利時這天好積極，在馬場內走來走去，觀看周日（5日）沙田戰馬的操練情況。
其中霍利時十分着緊第九場二班1800米草地的「君臨大地」，呢隻馬由出賽騎師蘇狄雄跳三段，走起嚟輕身有勁，而霍利時一早企喺隧道旁邊，等隻馬跳完近距離觀察佢嘅神態，更行到馬房閘口，聽取蘇狄雄嘅匯報，擺出一副搏殺格。
「君臨大地」在港5戰暫無表現，但北半球長途馬熱身漸足下，不宜過份低估。何況此駒係德國年長馬2000米一級賽巴伐利亞大賽亞軍，在二班只負111磅，必有競爭力。
剛戰霍利時贏「至叻熊」後今季已有13Win，馬房總獎金17,429,850元，只差70,150元獎金，便夠1,750萬元，視為達標，今仗「君臨大地」如果跑第四都有99,000元獎金，如爆冷Win更有940,500元，真係吼得過。