呢邊廂摩佬入魔霸氣十足，而曼聯嘅同巿宿敵曼城嘅新帥哥迪奧拿（小圖）亦啱啱有咗第一簽，簽咗德國中場根度簡。不過，哥帥嘅擴軍梗係未完啦，據聞藍月亮有高達2.5億鎊（約28億港元）嘅軍費等佢擴軍，而哥帥心目中仲有六大人選，其中皇家馬德里嘅德國中場卻奧斯係佢嘅首選，而哥帥亦有心同曼聯及摩佬拗手瓜，打算向祖雲達斯嘅法國中場保羅普巴出價㖭！
