ViuTV實況娛樂節目《慳D啦Honey》於周一首播後，口碑不俗，但有人質疑四對素人情侶是跟劇本做騷。昨日有讀者爆料指自稱無業的全職浪遊人阿文其實是前無綫員工，現於ViuTV做導演，其太太panpan則是無綫AA（行政助理）。另一參賽情侶Edwin（陸啟聰）和Crushy報稱從事投資及金融行業，但Edwin在facebook工作一欄寫着Model，Edwin在13年更曾被影到與楊詩敏（蝦頭）夜蒲。
節目監製黃慧君昨日在電話中解釋：「節目去年4月籌拍，當時冇人知ViuTV係乜嘢，我哋只可以向身邊朋友埋手，但條件一定要係情侶。」有否欺騙？她說：「阿文同panpan之前真係辭職去浪遊400日，返嚟冇嘢做咪拍節目，𠵱家各自搵新工。Edwin同Crushy有做model之餘亦有做finance工作。」有預定劇本呃觀眾？她說：「我發誓都得，真係困咗佢哋十日㗎，我哋都要用10萬蚊獎金吸引佢哋參加㗎！」
採訪：嵐山
