國足為備戰九月世盃外亞洲區12強賽，噚日喺秦皇島友賽千里達，結果憑姜寧同埋胡人天各建一功，加上張玉寧（右二）梅開二度而大勝4:2；佢哋下周二會喺大連體育中心體育場，同哈薩克踢多一場友賽。國內傳媒話，國足教練高洪波為免俾12強賽嘅對手好似係南韓、伊朗等刺探到軍情，噚晚場波專登調亂球員啲號碼玩擾敵，好似係着開五號波衫嘅張琳芃同18號嘅郜林，就分別變咗二號仔同埋三號仔。