費清上次拍片教過點樣霸氣食芒果，喺漿糊引起一陣爭辯，其中一個網上留言最令費清感慨萬千，「究意係拍呢段片嘅人無聊，睇呢段片嘅人無聊，定係睇完呢段片仲會留言嘅人無聊？」，呢題近似雞與雞蛋嘅哲學問題，令人掩卷嘆息．．．
嘆息完，又係時候講返無聊嘢，費清再次教大家霸氣食Tic Tac糖嘅方法。唔好睇小呢粒糖，雖然細細粒都可以搞到你一手都喺，好似同事Terry同阿Wing，都話自己識食，「吓？唔係咁都要教呀嘛」。不過，佢哋一係倒極都倒唔出Tic Tac糖，一係就倒到成手、甚至成地都係。
其實，方法好簡單，只要單手倒轉盒糖，輕輕搖一搖，然後打開個蓋，一粒Tic Tac糖就會剛剛好放咗喺個蓋度㗎喇。其實，係因為盒蓋有一個凹位，剛好就係一粒Tic Tac糖大細，係專登設計嚟放Tic Tac糖嘅。初初試可能有啲雞手鴨腳，但只要試多幾次，就好容易。
講完。好無聊？透過無聊，我哋可以獲得另一種看世界嘅智慧。
費清＃要生計，也要生活＃毋忘初衷