【立會選戰】
【本報訊】2016年選民名冊日前出爐，本報翻查功能組別飲食界的選民登記，發現團體票被多間大集團壟斷。單是稻香、大家樂、富臨及和之味合共坐擁過百票。個別連鎖食肆全線每間分店各以團體名義登記為選民。在立法會飲食界做了16年議員的張宇人認為，飲食界有5,000多個團體或個人選民，不可能被壟斷，反問「幾百票算係乜？」
記者：白琳 鍾雅宜
飲食界分為個人票及團體票。最新選民登記冊顯示，稻香集團位於大埔工業邨的地址有27間公司的團體票登記，除了稻香發展，絕大部份公司屬「天」字頭，例如天丞、天俊、天凱等，全屬稻香集團主席鍾偉平名下公司。本報昨午向稻香集團查詢有關公司是否全部持有飲食業牌照，至截稿仍未回覆。
本報又發現，新蒲崗六合工業大廈15樓更有62個飲食界團體票登記，大部份公司屬富臨集團執行董事楊維名下。大家樂集團及和之味集團也分別最少有27及36張團體票。多間連鎖食肆都藉分店網絡作多個分身。上海菜館王家沙在九龍塘、黃埔等4間分店都有選民登記，共4張團體票；牛涮鍋及翡翠拉麵小籠包各區分店也如是，兩者在飲食界各擁10張團體票。
張宇人：幾百票算係乜？
飲食界議員張宇人表示，業界有11種牌照，可以公司或個人名義持有，後者可自動成為飲食界選民，公司則需主動登記。有些飲食集團因應旗下不同品牌及歷史理由，開設多間公司持有旗下餐廳不同牌照，團體及個人票登記數量亦不等於其分店或牌照數量，「如果一間公司揸十零廿個牌，間公司都係得一票，唔會有十零廿票；如果你將啲牌分開個人擁有或者唔同公司擁有，就可以有更多票」。
稻香集團或鍾偉平旗下最少有20多個選民登記，張稱稻香集團是上市公司，有很多股東，「唔係話（屬於）老闆一個人，佢都唔可以一次過投20票，佢都要委派人幫佢投，都係個員工自己選擇」。
今年飲食界團體及個人票分別有1,004及4,524張，張說：「飲食業係冇大集團壟斷，（同一集團有）十幾票、幾十票、甚至幾百票算係乜？5,000幾票，搵一個人控制1%都冇，你驚乜？」
有意在9月參選飲食界挑戰張宇人的伍永德批評，飲食界選民登記制度一直為人詬病，只有部份類別的飲食牌照持有人才可登記，質疑多間大集團壟斷業界聲音，促登記制度開放予所有飲食界從業員。
