曼城落實今夏第一單重要收購，以據報2,000萬鎊（約2.2億港元）轉會費，由多蒙特收購德國中場根度簡，成為新帥哥迪奧拿首位新兵，不過呢單交易隱藏風險似乎都幾大。25歲嘅根度簡被譽為世界最出色嘅防守中場之一，但就成日受傷患困擾，淨係喺2016年已經因傷缺席咗超過十場聯賽，亦喺五月初因為膝傷提早收咧，冇份踢歐國盃之餘，要到九月先復出。不過曼城方面依然對根度簡信心十足，相信佢可以健健康康回復十足狀態。