做「鬼」好過做人，可能更加開心！千祈唔好因為八方呢句，就意志消沉，皆因八方所講嘅鬼，只係海洋公園哈囉喂入面嘅嘩鬼，佢哋令遊人驚嚇之餘，亦令萬聖節氣氛歡樂爆燈。
海洋公園下周起開壇招鬼，為哈囉喂全日祭招聘台前幕後約2,000人，首場「招魂大典」下周四舉行，屆時會有嘩鬼表演、化妝示範及哈囉喂展覽等，亦會進行即場面試，測試猛鬼嘅嚇人功力。
如果冇「做鬼」天份，可以應徵做嘩鬼「護法」，負責確保嘩鬼嘅安全。成功做鬼，會喺8月至10月期間喺園內神出鬼沒，表演突出者仲有機會成為長期員工。詳情可以參考網站 http://www.oceanpark.com.hk/tc/park-information/news/scream-team-recruitment-2016 。