【本報訊】經濟不景氣，東亞銀行昨裁員180人，有員工表示，昨早9時返抵公司，慶幸自己沒被炒，但一返工「就少咗幾個同事」，同組數人不幸收「大信封」即時離開，搏殺拍檔被炒，變相工作量增多。
管理層：冇保證
員工最關心，當然是炒人「仲有冇第二波」？據悉，東亞管理層昨早向員工解釋是次決定，對於會否繼續裁員就「冇乜保證畀到」；由於今次裁員涉及銀行不同部門，講解會或大老闆內部通告都無助員工釋懷，辦公室士氣低落。
東亞決定證券門市全線結束，《蘋果》記者昨日致電東亞證券，查詢開設新戶口情況，負責客戶服務的職員小姐仍非常專業，詳細解釋證券分行即將結束，由下周一起不再接受新戶口開立，建議開綜合戶口可到東亞銀行查詢，現有證券客戶可用電話及上網落盤。
供樓利息低於街客，算是銀行員工福利，被裁員工原本享受的低息供樓優惠如何處理？東亞回覆，受影響員工職員按揭貸款條款，將維持不變一年，以作過渡安排。翻查資料，相關貸款息率最低約為1厘。
■記者劉美儀
