蘋果公司研發電動車一直只聞樓梯響，但Tesla創辦人馬斯克（Elon Musk）已經認定蘋果公司係強勁對手，仲大膽估計，3年內多數汽車備有自動駕駛功能㖭，唔需要司機嘞。
人稱現實版「鐵甲奇俠」嘅馬斯克，前日出席一個科技論壇指，蘋果公司研發電動車係公開嘅秘密，公司最終嘅勁敵係蘋果公司，而非Google。但佢估計，蘋果公司喺2020年前都冇法大量生產，將會錯失爭奪電動車市場嘅良機。
另外，馬斯克仲有一項火星任務，每26個月就透過「飛龍二號」火箭發射至火星，有信心2025年人類可以登陸火星。馬斯克仲透露「飛龍二號」火箭最多載到7個人，但佢唔推薦坐，因為需時18個月先飛到火星。