得知會被民建聯用完即棄後，Tree根鍾樹根最近喺fb頻頻發功，po一段片閒閒哋都有幾十萬瀏覽率，背後功臣「根毛毛」，原來都係民記「棄將」！
Tree根透露幫佢打理fb嘅係一名後生仔，呢位仁兄早前因為被民建聯一名40、50歲女士指控「性騷擾」，被黨炒魷，「民建聯諗住地區選舉將到，唔好搞咁多嘢。」但Tree根了解事件後發現，女事主其實講唔出呢位後生仔究竟做過或講過乜而被認定為性騷擾，令佢覺得呢個後生仔好無辜，決定請番佢，殊不知呢位後生仔果然有料到，令佢fb瀏覽率高到自己都估唔到。
「根毛毛」身份曝光後，據知已經有人向佢招手，Tree根話若然有人想挖角，記住出高價喎。