自從成為青年事務委員會主席後，「富二代」劉鳴煒越嚟越「貼地」留意年輕人話題。噚日佢喺facebook分享咗一份智庫INVO嘅網上調查，結果顯示佢並非「堅．離地」，而係「半空Nice Package」。佢形容為「Neither close to the ground nor too high above（唔係太貼地，亦都唔太高）」。
到底呢個問卷調查點玩法？其實只要玩家填上自己嘅性別，住邊區，收入大概幾多，然後就有12條有趣問題，例如問你平時搭乜車、邊度買餸、最近三日有冇睇《蘋果動新聞》、過去一年有冇睇過純港產片或電視劇等等。答完你就知自己個「Package」有幾「Nice」喇。
總覺得呢個測驗專為劉鳴煒而設，如果結果係貼地，實在難以置信，呢個結果就啱啱好。