港交所（388）追潮流拍片推新制！今個夏天港交所連環推出收市競價同「冷靜期」（市場調節機制），華華聽咗咁耐都覺得頭暈，何況一眾散戶？
可能港交所知道太多資訊，拍咗條2分鐘嘅「香車美人」短片，加埋貌似阿Bob嘅男主角，用揸車遇上路障要慢駛、過咗路障再正常駕駛，去解釋咩叫「冷靜期」。
主角同部車夠唔夠吸引就見仁見智，但港交所今次咁有心機，可以話誠意可加。以前多數係農曆新年，主席周松崗與行政總裁李小加先會拍條拜年片，家陣有新片登場都唔錯吖，潮流興吖嘛。
港交所仲為兩個新制設獨立「微網頁」，用好多Infographic介紹，但講到底，實戰最重要。