禮拜日沙田八草兩泥賽事，草地用B加2跑道，睇番最近4月3日同一移欄九場轉彎路程賽事，當中五場1200及1400米均由守前三位入直路馬匹勝出，反而1600米或以上路程，分別有「駕喜」、「美麗大師」及「凱旋生輝」從中後位置衝上贏馬，所以短途宜秤先具前速馬匹，中距離就要揀靠後勁食糊馬。
今戰列陣馬中，四場「駕喜」前仗正是於4月3日田B加2欄贏馬，場地性能不用懷疑，有力三連勝。另外，八場「領驫」兩戰B加2欄均非冠即亞，抽得二檔好位可坐位望贏。
至於兩場泥地均跑1200米，今季此程一向利放唔利追，故此頭場「紅旗飛將」及第七場「花月流星」等擅跑泥地之快馬值得優先留意。