政務司司長林鄭月娥最近經常被傳有意參選下屆特首，一切只等阿爺開綠燈。八方近日卻聽聞林鄭「未參選、先腳痛」，唔通有醜聞？話說過去嘅星期一，特首梁振英喺禮賓府「回請」全體立法會議員，最終只有建制派議員同一班司局長蒲頭嘅晚宴上，據知自由黨黨魁方剛席間曾問及同枱嘅林鄭，嚟緊係咪有意參選特首！林鄭面對成枱議員，如常未有正面回應，只係笑笑口話自己要陪老公，仲透露自己最近腳痛，出現「筋膜炎」，搞到要睇醫生！據聞林鄭仲同議員透露，自己着慣咗「斗零踭」，唔太慣着厚底鞋，莫非呢個就係林鄭「腳痛」嘅真正原因？