利物浦雖然啱啱喺緬恩斯簽咗德國靚仔龍門卡利奧斯，但佢哋領隊高路普似乎唔係好夠喉，有指高路普諗住搵番同拿玻里去到2018年夏天先約滿嘅33歲西班牙門將連拿（左）返嚟晏菲路。除咗連拿之外，啱啱同邦比約滿嘅31歲丹麥後衞丹尼爾艾格（右）亦可能重返紅軍；艾格話過當日離開晏菲路，全因同前領隊羅渣士唔妥，而連拿離隊亦類似係呢個原因。所以，若然高路普搵佢哋兩個前朝元老歸位，真係一啲都唔出奇囉。