中環在線：周大福擲1.3億
搶到最貴綠鑽 - 李華華

前日佳士得舉行一場珠寶拍賣，周大福（1929）成功以1.3億元搶到壓軸登場嘅綠色巨鑽！呢粒全世界最大嘅天然鮮彩綠色鑽石，重5.03卡，創下綠鑽世界成交紀錄，平均每卡價值2,584萬元，同樣刷新世界紀錄。
拍賣會總共拍賣300件珠寶，周大福睇中呢粒綠色巨鑽夠晒珍貴稀有，所以喺拍賣會尾聲重鎚出手，喺三組人馬爭奪下，成功投得巨鑽。周大福發言人話，由於粒鑽石剛剛到手，新鮮滾熱辣，連相都未影得切，佢亦唔肯透露保費金額。
2010年周大福亦豪擲2.75億元，投得507.55卡鑽石毛坯「庫里南遺產」。