官恩娜喺女更衣室餵母乳被歧視嘅呢種事時有所聞，但查實政府同社會各界近年推動母乳餵哺都不遺餘力，好似新渡輪咁，斥資15萬喺一艘渡輪設置哺乳室，星期五投入服務，係公共交通工具首創。
食衞局局長高永文噚日出席呢個哺乳室嘅開幕禮，仲同新創建行政總裁曾蔭培一齊喺船上睇睇。民望高希望更多交通工具會有母乳哺育嘅友善空間；就算較小型嘅交通工具，都可以標示某啲座位畀包括母乳哺育嘅媽媽優先使用，同時培訓員工以解答市民疑問。
其實呢間育嬰室喺新光號三樓，約4.6平方米可同時供兩名媽媽使用，有梳化、嬰兒墊同求助鐘等。新渡輪透露會陸續喺另外3艘渡輪設置哺乳室，2017年前投入服務。