趙學而昨日在灣仔接受dbc數碼電台訪問，早排放風指有興趣和ViuTV合作的她，最近應邀在劇集《瑪嘉烈與大衛系列 綠豆》中飾演王宗堯的太太，學而說：「我客串幾集，好好玩，成個團體嘅工作同要求都好唔同，唯一唔習慣就係我本身講嘢太快，要慢番少少。」
學而又透露上周三推出了黑膠唱片：「成本比CD貴3、4倍，今次係自資6位數字出黑膠碟，限量1,000張，唔會再翻印。過年時已經有人去唱片舖落訂，第2日已賣剩300幾張。」會否想開演唱會？她笑說：「我就隨緣，𠵱家個市好難，觀眾想睇，但未必有人想做，其實我乜嘢形式都open。」
採訪、攝影：黃曉妍